Пустозерск, [1668 г.]
Российский государственный архив древних актов
Ф. 27. Приказ тайных дел. Д. 604. Л. 1–30об.

Подлинник. Автограф.

Бумага, чернила, киноварь; полуустав.

В составе Государственного архива Российской империи.

Опубл.

Барсков Я.Л. Памятники первых лет русского старообрядчества. СПб., 1912. С. 53–67.

(л. 3) О духовном деле святейшаго пaтриарха Иосафа Московскаго и всея Руси. Сказка попа Лазаря. В начале написан крест Христов, а под ним ветхая сень, во свидетельство, да не истощится крест Христов. А о духовном деле сказка имать глав. А что ставлены слова во крузех, и пот титлами, и вместительных, и межь точками, и межь запятыми, и то по словеси, еже рече Господь ко учеником (л. 3об.) своим: «вам есть дано разумети тайны царьства небеснаго, а протчим в притчах». И того ради прикровенны. Да не будем презиратели слову Божию. Прочти, господине, не борзяся, но с любовию, яже о Христе. А волов верхущих не обротывай. Достойни бо суть делатели мзды своея. И паки глаголет [и] д. [и], с. ч. д. а. к. То моя сказка, а писал я, своею рукою. <…>

(л. 5) Глава 2-ая. О лютости еретической, яко да перестанет. Иде нас мимо уже зима, пролетие же вниде, и зрим твари вся ботеюща, иже суть садове плодоносны, и протчая древа прошибаются, и земля злак прозябающа, и птица возпевающа, и протчая вся обновляема, и о сих радуемся и веселимся, и удивляемся, и прославляем все(л. 5об.)могущаго хитреца Сына Божия, приведшаго сих на обновление. Мощен есть и лютое возмущение святыя церкви и законов отеческих тобою, пастырем, в тишину и в соединение благостояния привесть. Не дивись сему, о пастырю. Спас глаголет: нужда есть приитти соблазном, обаче горе человеку тому, им же соблазн приходит, лутше есть ему, да обесится жернов осельский на выю его и ввержен будет в море, неже да соблазнит единаго малых сих, верующих во имя мое.<…>

(л. 8) Глава 5-ая. О истинном крестном знамении и о присуществе святыя Троица.

Святый Мелетий, архиепископ Антиохийский, егда показа три перста, и не бысть знамения, а потом два совокупи и един пригнув, от двоих един, а не третей ко двема, и благослови християн, и бысть знамение, и достохвальный он испусти глас: «третие убо ипостаси разумеем, о едином же существе; беседуем», и тако посрами еретики. Три персты ипостаси суть, два же во Христа, а существо Божества едино есть; един сый святыя Троица. Богословие святых отец Афонасия Великаго и протчих. Прежде глаголют святии отцы о трех ипостасех непостижения, да будет един Бог в Троице, а Троица во единстве; не раздельно и не слитно, а потом о двух естествах воплощения и тако явится три ипостаси, и два Христова естества, едино существо Божества, живый храм прием от чистых и девственных кровей, (л. 9) и сей по совокуплению себе соединив нераздельно. Яко благоизволи в нем все исполнение Божества вселитися, и паки, ибо в нем все исполнение Божества жительствует телесне. <…>

(л. 20) Глава 12-ая. Яко примелющии печать на руку и на чело мучимы будут. Богослов глаголет: изыде ангел Господень, глаголя гласом великим – аще кто кланяется зверю и иконе его, и приемлет начертание его на руку десную и на чело, сей имать пити от вина ярости гнева Сына Божия, чвана не разтворенна, и мучимы имут быти таковии огнем и жупелом, пред ангелы святыми и пред агньцом, еже есть Сын Божий, и дым мучения их во веки веком восходит (л. 20об.) и не имут покоя день и нощь, яко истинны взыскает Господь и воздает излиха творящим гордыню. Зде есть терпение святых иже соблюдают заповеди Божия и веру Исусову. Блажени отныне умирающии о Господе, да почиют от трудов своих. Ей, глаголет Дух Святый, дела бо их ходят во след с ними, и не имут видети вторые смерти. <…>