О успению пресвятей Богородицы.

(л. 1) Егда прииде время изыти от телеси пресвятей Богородицы прииде к Ней великий ангел и рече Ей. Марие! Восставши прими си вравние, еже ми дасть насадивый рай и даждь с апостолом, да держащее е поют пред Тобою. По трех бо днех изыдеши от тела; се бо вся апостолы пошлет к Тебе Господь и тии погребут Тя и славу Твою узрят от Тебе, дондеже принесут Тя на место Твое. – Отвещавши Мария и рече ко ангелу, глаголющи: почто се едино принесл еси и не принесе комуждо вравия? Или како есть имя твое, да аще вопросят Мя и реку им? И рече к Ней ангел: что Ты имени моего ищеши? Дивно бо есть слышати е. О вравии же убо не сумнися. – Тогда глагола ему Мария: киим образом приходиши к земным ко избранным? Аще ли убо есть на Мне, что подобает Ми сотворити, да внидеши и восприимеши Мя? – Глагола Ей: что имаши Мати Божия? Егда бо послан буду к Тебе, не аз един (л. 2) прииду, но и все вои ангел придут и воспоют пред Тобою, имущее вравие. И се рек невидим бысть.

Мария же вниде в дом свой, абие потрясеся дом славы ради вравия, сущаго в руце Ея. Потом же вниде и хранилницу и положи вравие в плащаницу; тогда помолися глаголющи: услыши, Господи, молитву Матери Своей, посли на Мя Твое благословение, да ни едина ж власть придет на Мя в часть он: но соверши реченное Тобою, егда плакахся пред Тобою: Господи, Господи! Что сотворю, да мимо иду благословити грядущая по душу Мою, – отвеща Ми глагола: не плачи, не ангел ибо придут по Тя, ни архангели, ни херувими, ни серафими, ни ины власти, но Сам Аз прииду по душу Твою. И рече святая Мария: благодарю Тя, Свет Превечный, в нем же живеши, и благословлю все насаждение руки Твоея, еже пребывает во веки.

(л. 3) Возшедшу же солнцу и восставши святая Мария, изыде вон, воздевши руце свои, моляшеся, глаголющи к Богу: Владыко! Призри на молитву Матере своея, скончая глаголанная Ми Тобою. – По молитве же вшедши и леже на одре, совершающи строи свои; Петр же седяше возглавии Ея, Иоанн же у ногу Ея, прочии же апостоли окрест одра Ея. Вшед же Господь, обрете апостолы у святыя и целоваша я; и посеем же целова Марию Матерь Свою святую Богородицу. Отверзши же уста Своя святая Богородица благословяше и глаголющи: (л. 4) благословлю Тя, Владыко Господи якоже обещася раб Твоей, не остави Мене; рече бо Ми древле Владыко: не оставлю ангел приити по душу Твою, по Сам прииду по ню. И бысть Ми по глаголу Твоему. Кто есмь Аз смиренная, ко толицей слав сподобихся? Кланяюсь и хвалю многохвалное имя Твое, Господи, яко призрел еси на смирение рабы Своея, Господи Царю Владыко, и сотворил Ми еси велико ты силне, иже блажат Мя все роди.

И рече святый Дух ко апостолом во Иеросалиме: вести ли яко в неделю Благовещение прият Мария Дева от ангела Гавриила и в неделю ради Спаса в Вифлиоме и в неделю воскресение из мертвых и в неделю иметь прийти с небесе судити живым и мертвым, и в неделю имать прийти с небесе в славе и чести преставления ради святыя Девы (л. 5) рождьшия Спаса. – И в ту же неделю глагола Мати Господня ко апостолом: примите кадило и вложите еимиян, яко Господь грядет с вои ангельскими. И се Господь приде к Ней, седя на престол херувимстем, и всем молитву творящим явися безчисленное множество ангел с Ним и светло знамение приходя на святую Деву пришествием единороднаго Сына Ея. И возглаголаше Господь к Матери и рече Ей: Марие! Она же отвеща: се Аз, Господи. И рече Ей Господь: не скорби Мати Моя, но да веселится сердце Твое и радуется, обрела бое си благодать, виждь славу Мою, юже имам со Отцем Моим. И возвревши святая Мария Мати Божия, виде славу Божию на Нем, ея же уста человеча не могут исповедати, ни разумети. И паки святая Мария рече к Нему: Господи Царю Владыко! Наложи на Мя десницу Свою и благослови Мя. Постре Господь десницу Свою и благослови ю. Святая же Дева Мати Господня держащи лобзаше честную Его десницу глаголющи: кланяюся десницы сей, сотворшей небо и землю, молю многохвалное имя Твое, (л. 6) Господи Исусе Христе Боже Царю всех век, единородный Сын Отеч! Прими рабу Твою, изволивый родится от Мене смиренныя спасения ради рода человеча. Помилуй весь род Твой и всяку душу наричающу имя Твое святое и благое, егда прославлена будет рождьшая Тя и идеже бывает память имени моего освяти место то и прослави прославляющая Тя Моим именем, приемля таковый на всяко приношение; и подай же им помощь Твою и всяку молитву и обет.

Сице же молящи Ей, Господь же рече к Ней: веселится и радуется сердце Твое, всяко бо благодать и всяк Ти дар дан бысть Отцем небесным и Мною и святым Духом: и всяка душа (л. 7) иже Тя призывает, не имать постыдетися и всяк кто Тебе призывает на молитву, но да обрящет милость и утеху и заступление и дерзновение в нынешний век и в будущий пред Отцем Моим небесным. – Обратижеся Господь к Петру и рече: приспе время, начни пение. Петру же наченшу пение, вся силы небесныя отпеша аллилуйя. И тогда лице Матере Господни просветися паче солнца и возведшися своею рукою благослови когождо апостола и воздахом славу Богови; простре же руце свои Господь и Бог и принят святую и непорочную душу Ея. Восхождением святыя Ея душа исполнися воня благия и неизреченно на место то и глас с небесе глаголя: блаженна ты в женах. Посем же рече Петрови Господь: скутай тело Девы Мария. Си глаголащу Спасу: возоми тело пресвятыя Девы Мария пред всем глагола: помяни Мя, яко Твое создание есмь: помяни Мя, яко сохраних преданное Ми сокровище. Тогда рече Исус к телу: (л. 8) не оставлю Тебе сокровище печатлеино пребывши, дондеже взыщется. И се глаголя Спас невидим бысть.