(л. 1) Днесь светло красуется, паче же и веселится великая и преславная мати церквам, Божие жилище, соборная и апостольская церковь: явно паки приять своего пресвятого престола православия, паче же глаголю светило сиятельно солнце, иже освети не скважнею, но само внутрь сияя, первыя свои лучи простирая. Понеже убо солнце, егда восходит, посреде мира мира и светлеется паче утра и вечера; егда же отходит (л. 2) на западные страны, и лучи своя с собою относит; нощи же наставши, звездное множество является, им же несть числа; но и от множества их светлости нимала является. Аще и вся вкупе звезды собрав в круглость, яко солнцу сотворити, но светлость такова не явится; аще круглость и болше солнца будет, светлость же неродия, и сами бо звезды, воздушным ветром колеблемы, трясутся. Солнце же, и на западе пребывающи (л. 3) просвещает, и море лучами своими освещает, и паки, яко конника, зарю утренюю является; помрачает убо звездное трясущееся сияние, не могут бо противу солнечной светлости сияти; и егда взыдет паче на высоту сиятельнейши отдает, и всего мира лучами своего сияния освещает; и семена, сеемая на нивах, от зимныя студени согревает и возрастати сотворяет. Орай же, видев ниву прозябшу и стебле (л. 3об.) возрастьшо, и цвет прищибающийся, и класы созревающеся, радуется, благодаря Творца Господа Бога, и виде на ниве плевы уже жатве, оставляет изрядны своя одежды в дому, и затворен дом, затворит и отходит на ниву собрати плоды и, собрав, пришед в дом свой, облечется в первыя своя одежды, и радуяся о собрании плодов, яко в сокровишное хранилище положити. Убо тако великий, достохвальный, преизящший, пресветейщий архи (л. 4) ерей Божиею милостию, трудолюбный Никон патриарх сотвори, яко к западу от великия церкви отойде край вселенныя, в поморие, да и тамо сущих благочестия своего учения, яко лучами, просветити. Сие же и сотвори: пустыннолюбных иноков посетил, честными их соградил, братию се множествовати утвердил, православных християн, в край моря живущих, яко лучами, учения своего просветил. И паки, яко заря, от полуношныя страны (л. 4об.) к востоку восхождаше и являшеся на высоте благочестия; яко солнце взимашеся от востока уже и к полудню являшеся светлее утренняго, глаголю убо, яко к самой матере церквам, соборныя и апостольския церкви, и творит ю соодолетися, сам став посреде высочайшаго места, яко солнце посреде небеси. Где убо звездное трясущееся сияние: не все ли помрачены, яко ни единой явится? Где убо ныне глаголющи, яко неугоде нам есть Никон (л. 5), иже поносит нам и обличает нам грехи беззакония нашего? Не вси ли трясущееся, яко звезды от ветра, сии от своего худоумия, паче же от избраннаго, яко, видевше его, смятошася и ужасошася о преславном спасении его. Егда бо солнце закрыто бывает облаком, тогда и день помрачает. Тако и сии мудрецы без просветителя помрачени, и ныне, ово сходящеся, ово расходящеся, сами к себе глаголюще: сей бе, его же имехом во святых и житием (л. 5об.) неистовным оглаголахом, и конец безчестен отход видехом; ныне же преславне зрим, яко сего жетии во святых. И прииде, яко оный муж в дом свой, и никто же ему внитти возбрани, и облечеся в первую свою одежду, никто же воспрети; тако и великий apxиерей трудолюбный Никон прииде из дому Богоматере и вниде во святая, – никто же возбрани; облечеся во украшения великаго святаго сана, первыя одежды архиерейства, – никто же воспрети: (л. 6) не чюжая бо прияти, но Богом порученная ему взять. И возрадовася о собрании плодов – видев православных с радостию собирающеся, и святыне и хвалу возвращаются, и благословение приемлющих, яко собраны плоды, в сокровишное хранилище положи, учения своего благочестия в сердца верных насади и доброприятных всех услади. Днесь радуется Христова церковь, яко великое солнце не скважнею вниде, но внутрь само cия, и всю возвещая (л. 6об.), и чад своих apхиерей Никон любовию просвещает, яко великая свеща, великий свет являет. Тако любейнций apxиepeй от всех нас любовь свою не оставляет во века аминь.

2. (л. 7) От пресвятыя церкви, небеси подобныя, со апостольскаго престола край вселенныя ангелом изгнанный, двоевидный и многовндный враг, положивый уста своя на небо, паки брови свои возводит на апостольское здание. И пишет к неутверженным душам, скравещи у них скипетр Небеснаго Царя, непобедимую победу. Нарицает себя, яко де солнце посреде небеси. Тако же и аз – великое солнце, иже тме наследник и сын пагубе (л. 7об.). А не освященном соборе. юже собирались его ученицы, глаголет: «множество звезд в круглости солнечной светлости сияти». По истине бо противу ево прелести не освященнии его ученицы зрети не могут. Рекше – без святаго Духа дияволский ум притупити не могут. Их же мнит овчаобразный волк своих ученик «звездное трясущееся сияние» – лестьчим духом колеблем. Себя же он глаголет «сияние солнечнаго светлости», понеже в нем (л. 8) темномудрый дух действует; а я же глаголет: «не чюжая де бо восприя, но Богом порученое», кий Бог вручи ему? Еда вси апостоли, еда святый Духе ознаменова? Яве есть, яко пришествие его по действу сатанину. Сей же всем святым враг, помрачитель вселенную, адов пес. Не по божественным правилом, без знамения святаго Духа пастырский жезл удержит, точию возлюблен утвердивши имя свое на земных, яко же зле возведенный великим князем (л. 8об.) Георгием Макарие безумный и Митяй, рекомый Михайло, архимандрит Спаса Новаго, препрости бяху. Точию самовластием недугом одержими, а сей же не тако, но явным враг, ему же клятвы уста его полна, и горести и льсти под языком его. И на себя от любящих Бога ненависть имеет, на него же положена неисцельная (л. 9) вечная проклятия от иже до треияго небеси восхищеннаго избраннаго сосуда, апостола Павла, и от святых вселенских седми собор. А яже возлюбивый его не чюет ныне в своей душе прелести, яко омрачи его, мысленнаго яви лещения; егда же постави его в место Христа, тогда на обличение знамя и гнев Божий совниде в державу его, многоболезненным жезлом смиряя. Пагубно cия же рекох, да не предасися врагу антихристу, не принимай печать зверино (л. 9об.), не здавай с рук скипетр Небеснаго Царя, непобедимую победу. Не приемли телo звериново вместа Христа. Тело лживаго зверя, иже льстя. Облечеся волк сый во овчюю кожу. И сотвори тело зверино, имуще язвы смертныя.

Како убо возможно человека убиеннаго убити многажды, во образ льстит ангельских чинов. Даде девять язв (л. 10). Невозможно есть врагу на своем теле Исусово и Христа имени его вообразити. Но льстя приводением, рекше обманом, диявол зверь, хотя к себе всех привлещи, глаголет учеником своим: творите тело его, исполняйте службу его, живущим на земли, прибегающим во главу дому, сииречь в церковь, се есть его же служба и покланяние телу. Яко волк то оболчен есть во овчюю кожу, сего ради не познано будет тело то (л. 10об.). Лукаваго имя множество язв смертных, се есть всегубительная его смертная язва. И кто приимет, чая живот, будет язва ему, яко ея восхоте, и обладает им, той да пиет ю, яко истинная. А иже ея никто не приемлет, убиен будет. Аще же кто примет ту язву смертную, той смертию да умрет, и мучен будет пред агнцом истинным Христом во веки веком. A yбиенный же от него ради не приимания яз (л. 11) вы, той будет с агнцем Христом царствовати во веки веком, равную честь примля с Иванном Крестителем

велияр         волк облечен                 имуще язвы
зверино     во овчюю кожу     смертныя (л. 11об.)
велеим      вельзуол печать же       печать же
печать            иноко
его разсыпа    Никита                       Никитич
Иникитос       пословенски               Никита

И Н И К И Т О С
и всего 666