Соловецкий монастырь, [1667 г.]
Российский государственный архив древних актов
Ф. 1201. Соловецкий мужской монастырь. Оп. 4. Д. 22. Л. 1–11.

Список.

Бумага, чернила; скоропись.

В составе архива Соловецкого монастыря.

Опубл.

Чумичева О.В. Соловецкое восстание 1667–1676 годов. М., 2009. С. 301–330.

(л. 1) Благоверному и благочестивому и православному и пресветло сияющему, от небеснаго царя помазанному во царех всея вселенныя великому государю нашему царю и великому князю Алексею Михайловичю, всеа Великия и Малыя и Белыя Росии самодержцу, бьют челом нищие твои, государевы, богомольцы Соловецкаго монастыря келарь Озарей, и казначей Геронтей, и священницы, и дьяконы, и соборные чернцы, и вся рядовая и дневная братия, и слушки и трудники все.

По преданию, государь, Никона бывшаго патриарха и по новоизложенным ево книгам проповедают нам ныне ево, никоновы, ученицы новую незнаемую веру по своему плодскому мудрованию, а не по апостолскому святых отец преданию, ея же веры не точию ми, но и прадеды и отцы наши до настатия Никонова патриаршества и до сего дни и времяни и слухом не слыхали, а в коем православии прародители твои государевы скончались и многие святыи отцы и чудотворцы наши и Зосимо, и Саватий, и Гермон, и Филип митрополит угодили Богу, и ту истинную священную нашу православную веру они похулили, и весь церковный чин и устав нарушили, и книги и все перепечатали на свой разум, богопротивно и развращенно. А что, государь, их непотребство и развращение в тех новых книгах объявилось, и те их книги сами мимо нас обличают их вину. Якоже в книге, глаголемой Скрыжали, лист 766, Дамаскин иподьякон в слове своем в неделю 3-ю святаго поста повелевает нам, православным християном, ходити по-татарски без крестов и пишет сице: коя добродетель есть носити кому крест на раме своем. А святии апостоли, государь, и святии отцы крест нам на себе носити повелевают, и сами носили, и нам носити повелевают. Якоже рече апостол: мне же воне будет хвалитися токмо о кресте Господни. И пророком Исайем Господь Бог верным своим обетова: и приду, изнурят славу мою и оставлю на них знамение. Тако же и Великий Афанасий в толковании 59-м псалме пишет: верным людем, рече, иже нарицаютца християне, дано есть носити и имети крест Христов. И Василей Великий: благость како великого царя нашего Христа крест на себе носим. И святый Ефрем в слове еже о Страшном Суде пишет, яко святии крест на себе носили; и паки в слове о покоянии: сие оружие носити во дни и в нощи, и ничто же без него не твори. Святая же Макрина, сестра Василия Великого, крест носила, и свидетельствует житие ея. И святый великомученик Орест крест на себе носил, и о том писано в мучении его. Тако ж и в житии Иванна Милостиваго пишет, яко нехто бяше мирянин Захария нищелюбивый, не имяше просящему у него на пути часо дати, снем с себя крест сребрян, даде нищему. И от сего яве, государь, яко в прежния лета в греках не точию иноцы, но и мирстии крест на себе носили; а ныне не носят не точию мирстии, но и иноцы, и нам носити возбраняют. А хотят нас от таковыя благодати Божия и непобедимаго на враги (оружия) лишенных сотворити. Аще ли, государь, мы сия небеснаго оружия повержем от себе и ходити начнем без крестов, якоже и греки ныне ходят, его же не даждь нам Боже (л. 2) и помыслити, то явно, государь, преданны будем в руце дияволу, и конечную радость врагу сотворим, и дерзновение ему на себя подадим: понеже и сами они, проклятии бесове, о себе свидетельствоваху, якоже пишет во отеческих книгах, и в книге печатной Кормчей, лист 625, егда вопросившу их некоему святому мужю, которых, рече, вещей они бо боятся ото всех, беси же реша ему: по истине имате три вещи, велма противляющеися нам: едину от них ясте, другую же на шии вашей отбежаете, еже есть крест Христов, в третие же мыетися. И того ради, государь, вси святии отцы единомысленно крест Христов православным всегда носити на себе повелевают: понеже велии тайно в сем знамение и святыя неразделимыя Троицы, Отца и Сына и Святаго Духа, прославляетца, и сим знамением благочестивии от неверных разделяемся. А той Дамаскин иподьякон по дияволю научению написали в греческой своей книге на погибель душам нашим и велят ходити, аки татаром, без крестов, и в том ему судит Господь Бог. Да он же, Дамаскин, не убояся страха Божия, отрыгну от злаго сокровища сердца своего, в том же слове именовал и безгрешнаго Сына Божия Господа нашего Исуса Христа грешным, бутто он, Спаситель наш, распятся за некое погрешение, а не за мирское спасение, и пишет в той Скрыжали, лист 966, сице: тако да имате пред собою смерть вашю, якоже он, иже имать распинатися за некое погрешение, носит крест на раме своем и ходит трепеща и ожидая смерти. И к сему же, государь, иныя многия непотребныя статьи напечатали. Яко жеи в книге Иванна Дамаскина, глаголемая Небеса, того же нового же выходу, Епифаниева переводу киевленина, во главе 27, лист 56, положено, его же страшно и писанию предати, проповедают Сына Божия еще в плоть не пришедша, но впредь пришествовати его сказуют, и напечатали сице: всяк убо, не исповедая Сына Божияго и Бога во плоти пришествовати, антихрист есть, якож апостол Иоанн Богослов в послании своем, в 3-м зач[але] в плоть пришедша о том глаголет, не пришествовати. Тако ж, государь, и воскресение Сына Божия во многих местех в новых своих книгах не проповедают: в Служебниках и на литоргии и в Треодех в Великую Суботу, в тропарех мироносицам-женам, и в кондаке Иже бездну затворивый, и в светилне воскресном третием воскресение Сына Божия отставлено же, неведомо для чего. Да они же, государь, напечатали в новом Потребнике, лист 42, в молитве на крещение человеком, повелевают молитися духу лукавому: а сего же их умышление не даждь Боже нам помыслити. А в церковном, государь, свещении в том же Потребнике, лист 803, напечатали не по преданию же святых отец, повелевают свещати мылом, и то, государь, церкви Божия не освещение, но и паче осквернения, понеже в мыле всякоя нечистота и скверность. А над умершими вместо помазания святаго масла велят посыпати пепелом, его же срамно есть не точию тако творити, но и глаголати. И Господу нашему Исусу Христу и спасенное его имя, нареченное от Бога святым ангелом, переменили же. И самый истинный и животворящий крест Христов, от трех древ, от певга и кедра и кипориса сотворенна, отставили, и возненавидеша его, и непотребна сотворили, и победили, и крыж латынский во всем почитают его как истиннаго и божественнаго креста Христова, от трех древ сотвореннаго. А святыи пророцы о том тричасном кресте Христове за много лет до Христова вочеловечения пророчествоваше, и яко от трех древ сотворенну.<…>