Иверский монастырь, 1665 г.
Российский государственный архив древних актов
Ф. 27. Приказ тайных дел. Д. 580. Л. 1–1об.

Подлинник.

Бумага, чернила; скоропись.

В составе Государственного архива Российской империи.

Опубл.

Барсков Я.Л. Памятники первых лет русского старообрядчества. СПб., 1912. С. 5–6.

На л. 1об. подпись-автограф архимандрита Филофея; адрес: «В благодати пресвятаго Духа избранному, всечестному господину, его милости, господину отцу Иоакиму, Божиею милостию архимандриту великолепныя святыя обители Чудова монастыря, в преименитом царствующем граде Москве, господину отцу и благодателю, нам зело милостивому честне вручити подобает.

Паисья митрополита Гасскова, с писем перевод по гречески и Никонова грамота».

(л. 1) В благодати святаго Духа избранному господину отцу Иоакиму архимандриту, всечестному господину и благодателю, нам милостивому, о Господе радоватися.

Разстояше не малое места и прочая препятия не попущают нам к всечестному лицу твоего благосердия и милостивой ласце преподобия твоего, господина и благодателя нашего м[илостиваго], начертанием писания добраго здравия ти посещати и, о нем слышаще, радости исполнятися. Ныне же господина отца Ceвериана в тамошнюю страну отпустивше, новещаем сим худым писанием доброе здравие всечестности твоей, господина отца и благодателя, нам милостиваго, усердно желающего от Вышняго десницы Христа Спасителя благословением обдарену и добрим здравием долгоденьственно укрепляему в духовных подвизех и добродетелех высочайших светлейше просиявати, а в ползу всем на многая лета в церкви святей предстательствовати, яко зрящим по Бозе исправления твоя прославляти Отца их на небесех, идеже с всеми Богу угодившими и твоему преподобию вечно ликовати от сердца желаем.

Якоже прежде любве Христом Спасителем завещанной обильне всегда от преподобия твоего, господина и благодателя нашего, восприемлюще, наслажахомся, тако и ныне в непреложной благодати и милости преподобия твоего уповающе, нижайше просяще, прилежно молим, да и в прочая времена тоя же благодати и милости своея нас, недостойных молитвенников своих, да сподоблявши и ходатайством своим да заступаеши, яко сирим отец и странным защититель, и ныне отпущенному отцу Севериану от нас благодать свою отеческую показуя обычно, да известиши и советуеши ему нам полезная, и о своем добром здравии и благополучном пребывании нас худейших известных сотворив, яко древний податель милостивый, да утешищиши своим писанием. Мы же от твоего преподобия, господина и благодателя нашего милостиваго, благодать восприемлюще, Христа Спасителя, неложнаго и известнаго мздовоздателя, молитствовати должны, да и в прочая, твое преподобие во благодати своей святей цела сохранив, душеполезная исправляти да поспешить.

Его же Божественному смотрению и благодати пречестность твою, господина и благодателя нашего милостиваго, и свою худость вручаем. Начертася в святей обители Иверстей, иже на Святе езере. Лета от воплощения Бога Слова 665, месяца июня 13 числа. Преподобию твоему, господину отцу и благодателю, нам милостивому, всех благ о Христе и спасения усердно желающии молитвенницы приснии архимандрит Филофей.